14.12.2019

“Знанием победишь” 

Сэтинньи 13 күнүгэр, Саха республикатын бастакы Президенэ Михаил Ефимович Николаев 82 сааһыгар аналлаах Национальнай библиотека көҕүлээһининэн ыытыллыбыт “Знанием победишь”  Медиауруок республикатааҕы Акциятыгар кыттыһан, олохтоох модельнай  библиотека Ефрем Степанович Сивцев – Таллан Бүрэ аатынан орто оскуола үөрэнээччилэригэр Медиауруок уонна” Биһиги Аан Дархаммыт” виртуальнай кинигэ быыстапкатын билиһиннэрии ыыттыбыт.

Сэтинньи 21 күнүгэр”  Сардаана” уһуйаан иитиллээччилэригэр “Айылҕаттан айдарыылааҕа” диэн биллиилээх скульптор, Аҕа дойду сэриитин кыттыылааҕа, биир дойдулаахпыт Лукин Агафангель Иванович Лукин 105 сааһыгар аналлаах искусство чааһа ыытылынна.  Маҥнай  оҕолорго   библиотекарь Валентина Колесова Агафангель Лукин олоҕун, үлэлэрин кытта билиһиннэрдэ, онтон  кырачааннар иитээччилэрэ Мария Ивановна Исмакованы кытта бэйэлэрэ пластилинтан Олоҥхо бухатыырдарын оҥорон көрдүлэр. Түмүккэ оҕолор талааннаах скульптор Агафангель Иванович Лукин туһунан тугу билбиттэрин тэттик боппуруостарга эппиэттээн көрдөрдүлэр, сорохтор  улааттахтарына архитектор, скульптор буолуохпут диэн ба5а санааларын эттилэр. Ити курдук Улуу Кыайыы 75 сылын көрсө  сэрии кыттыылаахтарын, тыыл ветераннарын тустарынан кэнчээри ыччакка билиһиннэрэр тэрээһиннэр саҕаланнылар.