Муус устар 2 күнүгэр, олохтоох модельнай библиотека уонна «Айылгы» КК тэрийиилэринэн, Россияҕа Театр сылын чэрчитинэн, нэһилиэк түөлбэлэрин икки ардыларыгар драматическай туруоруу курэҕэ ыытылынна. Ол курдук сэрэбиэйдэһии түмүгүнэн түөлбэлэр бары олус көхтөөхтүк, өрө көтөҕүллэн туран бэриллибит айымньылартан быьа тардан туруоран көрдөрдүлэр. Ити курдук «Сэргэлээх» түөлбэ олохтоох автор Иван Бубякин – Чөҥөчөх» Суоруна тардыыта,,,»Чараҥ» түөлбэ Николай Якутскай» Төлкө», «Саһарҕа» түөлбэ Иван Гоголев – Кындыл «Манчаары», «Кэскил» түөлбэ Харысхал «Сэрии тыйыс тыына» айымньыларыттан быһа тардыылары олус үчүгэйдик, итэҕэтиилээхтик, көрөөччүнү долгутар гына оонньоон көрдөрдүлэр. Дьууллуур сүбэ быьаарыытынан (предс. Маркова Е.К).кыайыылаах уонна анал ааттар туттарылыннылар. Күрэх түмүгүнэн «Лучшая декорация» – Сэргэлээх түөлбэ, «Дебют года» – Сахаяна Корнилова (Кэскил түөлбэ), «Лучшая женская роль» Аина Васильева( Чараҥ түөлбэ), «Лучшая мужская роль» – Михаил Кугданов( Чараҥ түөлбэ) анал ааттары ыллылар. Онтон уопсай түмүккэ 3-с степеннээх лауреат – «Кэскил» түөлбэ ( сал Сивцева А.А), 2-с степеннээх. лауреат – «Сэргэлээх» түөлбэ( сал. Васильева Н.С), 1 степеннээх. лауреат – Саһарҕа түөлбэ ( сал. Слепцова Л.М), уонна Гран – при урдук ааты ыллылар «Чараҥ» түөлбэ ( сал. Суздалова О.В). Дьоро киэһэни иилээн – саҕалаан, көрөөччүлэри сэргэхситтэ Анна Заровняева. Киэһэбитин ылбаҕай ырыанан киэргэттэ Роман Николаев.

Валентина Колесова, библиотека сэбиэдиссэйэ