Доҕордоһуу муостатын олуктара

Тохсунньу 22 күнүгэр  Хатырык нэһилиэгин М.А.Охлопкова аатынан олохтоох модельнай библиотекаҕа  «Өбүгэ быстыспат ситимэ» диэн Хотугу норуоттар Гениалогияларын уонна Этнологияларын чинчийэр институт салайааччыта Аргунов Константин Ильич кыттыылаах Төрүччү боппуруостарын тула «төгурук остуол» буолан ааста. Манна кыттыыны ыллылар, опыт атастастылар: Ханалас улууһун Төхтүр нэһилиэгин делегацията (нэһилиэк баһылыга Ильин Николай Семенович, кыраайы үөрэтээччи Иванов Кэскил Ньургунович, сынньалаҥ киин директора Тапыева Светлана Федотовна,  модельнай библиотека библиотекара Герасимова Елена Михайловна) уонна Хатырык нэһилиэгин дьаһалтата, бастыҥ общественниктара: нэһилиэк баһылыга Дьяконов Юрий Вячеславович,  баһылык солб Ноговицын Артур Егорович, «Сайдам» СК директора Ефремова Елена Владимировна,  «Сайдам СК уус- уран салайааччыта Левина Любовь Ильинична, Государственность тумэлин науч.улэһитэ Дьяконов Станислав Александрович, олохтоох модельнай библиотека сэб. Антонова Ульяна Николаевна.  “Төгүрүк остуол” түмүгэр Аргунов К.И. икки хочо биир санаанан салайтаран төрүччүнү үөрэтиигэ ылсыбыттарыгар махтанна уонна салгыы сөбүлэһии түһэрсэн улэлииргэ баҕарда. Нэһилиэктэр баһылыктара салгыы көдьүүстээхтик улэлэһэргэ илии тутустулар, кинигэ бэлэхтэстилэр. Дьиэлээхтэр ыалдьыттарга  Хатырык нэьилиэгин биллиилээх дьонун туһунан кинигэлэри туттардылар, онтон ыалдьыттар нэһилиэктэрин туһунан кинигэлэри бэлэх ууннулар.

Саха норуотун чулуу уола Максим Аммосов төрөөбүт дойдутугар кэлбит ыалдьыттар, нэһилиэк улахан тэрилтэлэригэр сырыттылар, үлэлэрин туһунан билистилэр. Онтон салгыы Саха Өрөспүүбүлүкэтин түмэлигэр интэриэһинэй экскурсияҕа сырыттылар.

Иһитиннэрии онордо Хатырыктааҕы модельнай библиотека