«САХА БУОЛАН САНДААР…»

Бүгүн, сэтинньи 30 күнүгэр, хомус күнүн иитинэн Намнааҕы 2-с №-дээх орто оскуолатын аактабай саалатыгар түөрт кылаас (7-8 кыл.) үөрэнээччилэригэр ааҕааччыны кытта үлэлиир отдел үлэһиттэрэ буоламмыт «Саха буолан сандаар…» диэн библиотечнай уруок ыытан кэллибит.

Хомус туһунан Татьяна Михайлова, олоҥхо туһунан Раиса Дьяконова, байанай ыйын туһунан Анна Созонова сиһилии билиһиннэрэн кэпсээтибит. Ону таһынан биһиги ыалдьыппыт, Нам улууһун оһуохайдьыттарын түмсүүтүн салайааччыта Татьяна Евсеева тойук туойан эҕэрдэлээтэ уонна бэрт сэргэх тэрээһини оҕолору оһуохайдатан түмүктээтэ.

Оҕолор саха культуратын, үгэһин олуһун сэргээн иһиттилэр, элбэх саҥаны биллилэр-көрдүлэр.