Автор: 
Бу дьыл муус устар 12 күнүгэр Кэбээйи улууһун Сииттэ нэһилиэгэр «Они писали историю Кобяйского улуса» диэн Кэбээйи улууһа төрүттэммитэ 80 сылыгар аналлаах оскуола оҕолоругар аналлаах научно – практическай конференция буолан ааста. Ону таһынан Василиий Егорович Колмогоров – буойун учуутал, сэбиэскэй-партийнай үлэһит, Нам, Кэбээйи улуустарын бочуоттаах олохтооҕо төрөөбүтэ 95 сылыгар анаммыт «Соратники и ученики В.Е. Колмогорова» диэн ааттаах төгүрүк остуол буолбута. Онно Нам улууһуттан 4 киһилээх делегация баран кыттыыны ылан кэллэ: Кобякова Софья Дмитриевна – улуус бэтэрээннэрин сэбиэтин бэрэссэдээтэлэ, Новгородов Иван Васильевич – В.Е. Колмогоров кыра уола, Корякина Яна Егоровна – Нам маҥнайгы нүөмэрдээх оскуолатын музейын сэбиэдиссэйэ, Ушницкая Сардана Гаврильевна – Н.М. Рыкунов аатынан киннээммит библиотечнай ситим библиограба.
